Alamieyeseigha dey advise Naija people ontop Independence

The former governor talk say make we dey love Naija and do tings wey go helep we country. 

alams_384855257

Na dis same governor na im dey arrest for Jand ontop say im tiff money from im state, Bayelsa ecome carry am go Britain make im go spend. As the British police catch am, na so im run, dress like woman, come enter Naija. Dem still dey find am for Britain.

So, mainwhile, as Naija dey celebrate im 53 baiday, na im dis oga wey President Goodluck Jonathan don forgive for all im sins, comot out dey advise us.

Im say make we dey do tings wey go move we country forward. Im say all the political gbege wey dey worry our country na just experience wey go helep us for future.

Im come dey tell people like Boko Haram and co say make dem stop all their wahala, say e no good.

Im say na we Naija people fit change our country.