Primary and secondary school teachers be wan follow join ASUU strike as government no gree answer lecturers since and students don dey house around three months now.
The Nigerian Union Teachers bin don talk say if government no answer ASUU say dem go follow join strike. So on Wednesday na im the Minister for Education, Nyesom Wike, come dey beg dem make dem no do like that, say government don give ASUU like 85% of wetin dem want.
Im say ASUU dey ask for N400 billion as “capital expenditure” for all the universities, say out of the N92 billion wey dem ask as allowance say government don give dem N30 billion. Im say the N400 billion no dey for budget.
Im say ASUU dey consider the N30 billion, say dem talk say by Thursday dem go tell government wetin dem think.
Im come dey beg the teachers dem, say make dem no vex as im bin talk say the teachers no get any business with ASUU so tey dem wan follow go strike.
The teachers dem come talk say dem be wan go strike not because of ASUU but because of Nigerians.
Reaad the full tori hia.