No be small thing for The Incubator for Victoria island on the 31 07 11 as Designer MAI Atefo organize one ogbunge fashion show to let people know how a perfect wedding suppose look like.na so people come out to attend the occasion in their large number.Artiste wen present that day include Waje, Chydinma,and so many other Artiste.wetin surprise ZazuGist na the way Uti Nwanchukwu dey kiss the model wen follow am come out for the runway like say na he babe.na wa oh
Zazugist dey Iyana Paja for the last Passing Out Parade for Batch B corpers wen dey pass out. No be small body dey sweet all the Corpers as them air their mind say them no fit wait make them drop their Kaki down make them enter Labour Market.
Our Governor for Lagos State Batunde Raji Fashola attend the event Himself as he give some deserving Corpers award for their performance all through their year in service.
If you no dey No 32 Alexander Avenue for Ikoyi on the 26 June, you need to run there now before express leave you. From high level hand made jewellery by Christian Ruby , to Denim soft cotton blend stretch jean I never see befor and belive me I no regret going there that day as I look tire at first because of the weather that faithful day.if u are interested in getting one of the best of jewellery,you fit visit the address as above and place your order kia kia.but wetin funny me wen I enter there dey cover the event that day na the way some bobos dey look me like say na bad thing for fine boi like me to dey handle camera.them begin interrogate me say who invite me to come take picture there, who I be, where I dey work, I almost lose my annoyance but i no see am as embarrassment sha because na some of the thing wen man pikin dey encounter for lasgidi always base on hustling.
For inside Lagos Expo Hall for Eko Hotel and Suite on the 14 05 11, na there this ogbunge fashion show take place wen them called Australian lace 9ja Fashion Event.
ZazuGist dey there live to cover the event from the Red Carpet to the Fashion Runway.
People wen put hand for the fashion show to happen na The Australian Embroidery Association In Collaboration with the Commercial Section of the Australian Embassy.
The designers wen them select for the project include, Folake Folarin Coker of Tifanny Amber, Franc Osodi of House Of Bunor, Godwin Mekwuye of Vivid Imagination and Ituen Basi for Ituen Basi all presented their collection and them use lace fabrics to form modern piece wen dey simple and them dey make people mind sweet wen them come out with the design for runway.
ZazuGist last weekend say make them go on an adventous journey to Benin City last week Friday naim the crew follow road since we hear say the road na no go area. Wetin surprise Zazugist na the way the state of the road be now. You nor fit imagine say journey wen suppose take us 4 hours or at least 5 hours patapata na im we almost spend the whole day for road. At first we begin wonder wetin people wen call themselves FERMA dey really dey do.
Federal Road safety nor dey help mata at all because enough trailers go spoil for expressway and dem no go tow the motto dem wey don pafuka comot from the road. Dem nor go even put sign post for motorist wen dey use the road so dat dem go know say yawa dey for front.
To God dis journey nor funny for we ZazuGist Crew at all as all the roads wey dey connect to Ore road block and we get no choice but to pass another way so that we fit comot the hold up then reach where we dey go on time.
But wetin surprise us pass na the way some young boys wen call themselves Youth of the area come mount road block say we must pay dem N100 before them go let us pass. I no blame them at all, because na their door mouth na im we motorist dey pass and wit the way things dey go, them no dey expect federal government to come repair their street. So dem decide to use us hammer to help demself fo their own area. Wetin man pikin no go see for Lagos Benin expressway.
Infact, if you see the way wen policemen take dey mount their own roadblock for highways and nothing concern dem whether u dey smuggle arms or not. Their main business na say make u settle dem before you can drive pass and nothing concern them whether accident happenfor there or not.
You need see the bad state of the road because before we dey hear of pot hole and spoon hole but the one wen we witness na pond hole. The kin hole wen dey the centre of the road big sotay man pikin fit train fish for inside and them go grow wella.
What of the levels wen dey ground now wey be say jobs nor dey at all, and so therefore many young boy and guys plus including girls sef full the road dey risk their lives. Water comot some of we eye as we see dem dey run follow vehicles for road make them fit sell their banana, water, and any other goods to driver and passenger inside the roadblock.
No be small thing last week Sunday August 28 at GET ARENA for Victoria Island where country people dey gather for the regular monthly shoping event wen dem dey call Lapetit Marche. ZazuGist dey there Live to cover all the thing wen happen for the place that day. Na every last Sunday of the month the market dey take place for there.
No be small crowd last weekend as Lagosians come out in their large form to attend the Music/Fashion Runway show wen happen for Eko Hotels. The music/fashion event open as usual wit a Blue Carpet dis time unlike the one we dey use to wen be Red Carpet. So many Nigerian Artist attend the event even fine fine boys and girl dey there yafu yafu.
Na Banky W and Toolz naim Host the event that day and people wen put hand for the event to dey successful that day na Jennifer Olize, the Bobby Taylor group and Samsung.u need to see Toolz hips cost she carry for her back weapons of mass destruction
Ten Designers wen perfrom for the Runway that day include Toju Foyeh, Babushka, Grey, Meena, Obsidian, Republic of Foreigner, Tsemaye Binitie, Virgo Lounge, Viva la Resistance and Vonne Couture.
Artiste wen perform that day no disappoint the crowd at all as them give their best to spice up the show. Those Artiste wen perform that day for there include Shank, Davido, Whiz Kid, Skales, Duncan Mighty, Dr Sid, Banky W, Sasha, Sound Sultan, Show Dem Camp, Da Prince and Naeto C.
Ten designer and ten Music Artiste naim perform that day and the one wen thrill the guest them na the way them take end the show wen Naeto C come out to round it up wit his hit track for his Super C album 10 over 10.the show was indeed 10 over 10 shikena,as na 10 Artiste perform and na 10 Fashion Designers naim show their designers for the Runway.
Dis na news wen fit make you happy den come sad at the same time.
CNN don say we for Nigeria na im get one of the top five accents wey dey very very sexy. Yes o, dem say Nigeria pass Argentina, Thailand, Trinidad, Portugal, US, Britain and Ireland sef to be the fifth country out of ten wey sabi speak English for one kain way wey dey totori anybody wey dey listen! the only country wen pass us na Czech Republic, Spain, French and Italy.
dem say our ehn, and oo dey bend the neck of English language to make people shake and stand for place wen only mummy and daddy suppose understand! But CNN spoil the levels wen dem come end their tory by yarning say our sexy accent dey make some 419 runs worth am. Meaning say, e worth am for people to give some 419 boys their bank account information on top phone, if na only to hear the boys yarn to oyibo with their sweet voice. E be like CNN don turn second wife wen nor dey fit take all im mouth praise first wife pickin; e must troway insult inside anytin im talk. Shege.