Former EFCC chairman, Nuhu Ribadu gist one court for London how former Delta State governor , James Ibori, try dash am N2. 25 billion inside bag wey one man alone no fit carry.
The British Crown Court dey prosecute Ibori for fraud. Dem talk say im tiff up to N12,8 billion wen im be Governor for Delta State. Dem say between 1999 and 2007 say Delta State make up to N150 billion and say the money wey Ibori tiff pass that N12.8 billion but na the one wey dem know.
Ribadu tell the court say wen im be oga for EFCC for 2007 say Ibori bin call am come Andy Ubah, one of former presido Olusegun Obasanjo pesin, house, come offer am N2.25 billion make Ribadu no take arrest m for all im tiff tiff for Delta.
Ribadu talk say im collect the money but im carry am go keep for Central Bank make im take use am as evidence against Ibori. Im come talk say no do, no do, 15 days later, government sack am from EFCC.
Ribadu come talk say after that time, pesin try kill am two times, say im come gasto use okada enter Benin from where im come run go Paris den Jand.
Gist plenty for hia.